Üz konturu və təbii liftinq

Yanaq dolğusu şişirdilmiş yanaq demək deyil. Məqsəd yanağın düzgün nahiyələrindəki kölgələri aradan qaldırmaq və üzün orta üçdəbir hissəsinə liftinq effekti verməkdir.

Almacıq sümüyü nahiyəsinə düzgün toxunuşlar üzə təbii “highlighter” effekti verir və yorğun yanaq ifadəsini azaldır. Planlaşdırmadan asılı olaraq üz daha konturlu və incə görünə bilər. Gözaltı işıq dolğusu ilə birlikdə planlaşdırıldıqda nəticə daha harmonik olur.

Çənə xəttinin kontur plastikası zamanı üz ovalı aydın seçilir, buxaq nahiyəsi vizual olaraq gizlənir, boyun isə daha uzun və gənc görünür.

Qadın üzündə çənə küncləri həddən artıq sərt edilmir: məqsəd kişiyə xas kəskinlik deyil, zərif və aydın ovaldır.

Profil görünüşündə alın, burun, dodaq və çənə ucu bir-biri ilə harmoniya təşkil etməlidir. Geridə qalan çənə ucu önə çıxarılaraq profil tamamlanır, uzun çənə ucu isə xüsusi toxunuşlarla vizual olaraq qısaldıla bilər.

Çənə ucu dolğusu təkcə çənəyə deyil, üzün ümumi quruluşuna və dodaqların görünüşünə də müsbət təsir edir.

Alın çökəkliyinin bərpası üzün quruluşunu müsbət yöndə dəyişə bilər. Prosedur:

• qaşlara yüngül liftinq verir;
• qaşçatma ifadəsini yumşaldır;
• alın dərisinə hamarlıq və parlaqlıq qatır;
• profil görünüşünü daha harmonik edir.

Gicgah nahiyəsi çökdükdə baxış yorğun, gözlər isə bir-birinə daha yaxın görünə bilər. Yaşlandıqca bu nahiyə daha da dərinləşir.

Mümkün nəticələr

• Qaşlara liftinq effekti
• Gözlər arasındakı məsafənin vizual olaraq açılması
• Üz ovalına daha feminen və gənc görünüş
• Saçlarını yığmaqdan çəkinən xanımlar üçün rahatlıq

Dolğu ilə burun ucu dikləşdirilir, burun kürəyindəki əyriliklər vizual olaraq korreksiya olunur — cərrahi kəsik və narkoz olmadan. Düzgün texnika ilə burun böyümür, əksinə vizual olaraq daha kiçik və düz görünə bilər.

Vəziyyətdən asılı olaraq, uğursuz burun əməliyyatından sonra qalan qüsurların dolğu ilə korreksiyası da mümkündür. Burun anatomik baxımdan həssas nahiyədir və yüksək dəqiqlik tələb edir.

Ağız–burun büküşləri və ağız bucaqlarından çənəyə doğru uzanan marionet qırışları üzə yorğun, qəmgin ifadə verir. Bu qırışların formalaşmasında ağız bucağını aşağı endirən əzələ də iştirak edir.

Hialuron turşusu əsaslı dolğu ilə qırışların dərinliyi azaldılır, düşmüş ağız bucaqları qaldırılır. Dərin qırışlarda ikinci seans daha yaxşı nəticə verə bilər.

LUXE TRANSFORM — iki seansdan ibarət müəllif proseduru; nəticənin davamlılığı 2 ilədək. Həmçinin 7 nöqtə proseduru tətbiq olunur.

Bu prosedurların detalları fərdi olduğu üçün WhatsApp və ya Instagram vasitəsilə deyil, yalnız üz-üzə konsultasiyada izah olunur.